返回

從心出發,貼心之選: 愛媽咪產前講座

 

主辦機構Baby Planner已經有5年舉辦產前講座的經驗,專業知識大家都無庸置疑,今次講座由註冊護士主講,信心就更加大。事不宜遲,小編就同大家一齊體會下Baby Planner呢份愛錫準媽咪既心意啦!

   

女人最緊要靚,準媽咪白滑靚肚不是夢

女人就梗係貪靚,大肚嗰陣都唔例外。試問準媽咪見到個肚爆曬紋又點會心情好。當日姑娘就好貼心咁教各位準媽媽選用咩產品去預防妊娠紋,仲教大家幾時搽、點樣搽去Keep住個白滑靚肚,影起孕照既時候都好睇D。

   DSC08069.JPG
     
DSC08066.JPG  

孕婦按摩不可缺,個個都有私人按摩師

日日都揹住個籮出街真係會腰酸背痛嫁。出去搵人按摩一來價錢貴,二來又怕會整到BB。不過上完呢個講座之後,大家從此就會多左一個免費又好手勢又細心同點都會錫住BB同媽咪既私人按摩師喇。點解?因為姑娘會即席教授孕婦按摩技巧,等準爸爸親手為準媽咪舒緩水腫、膊頭痛、頸梗、腰酸既問題。係練習既過程,完全體會到準爸爸愛錫太太既心意。

     
 IMG_6701.JPG   貼心安排,專業可靠

學完孕婦按摩,又點少得BB按摩。姑娘教授既技巧既實用又易上手,仲即刻有BB公仔實習,有咩唔明可以隨即發問,實習真係有實習既好處。小編都學定2招旁身,話唔埋好快用得着。

     
學學下都小編開始覺得肚餓,正想去買野食之際,司儀話已經準備好茶點俾各位,小編真係覺得相當感動。產前講座一般都係晚飯時間舉行,好多時候準父母去到都未必有時間食野,Baby Planner呢份細心真係值得加分。聽完講座後,每對出席既準父母都可以得到一袋小禮物以答謝出席活動。先不論禮物豐富與否,由講座內容到安排都可以睇得出Baby Planner用心準備,完全收到曬“愛媽咪”呢個信息同佢地既心意。   DSC08081.JPG

  

後記:

講座完結後,偶爾係網絡平台上睇到呢個講座既評語。唔少準媽咪都覺得講座既實用,又學到野,仲安排得好好,係一個唔可以錯過既講座。但最令我驚訝既係班準媽咪話老公們好乖,學完之後放工番去真係會幫佢地揼番part。小編就覺得,要教你唔難,有冇用心教你,用咩方式教你另你學完攞到番屋企先係最難。

 

最後編輯日期:2016年8月31日